The environment (3). Our diets

Ola a todas e a todos un día máis!

Hoxe imos falar sobre como inflúe a nosa dieta no cambio climático. Para iso imos visualizar unha breve reportaxe sobre o impacto da nosa alimentación no medioambiente. Non obstante, como este recurso contén vocabulario co que, se cadra, aínda non estades familiarizados/as, antes de nada imos facer de forma conxunta unha actividade para aprender algunhas destas palabras e expresións. No seguinte enlace podedes atopar un cuestionario da Universidade de California sobre como afecta a nosa dieta ao medioambiente: Do you know how your diet affects the planet?

Unha vez rematada esta parte veremos o xa mencionado vídeo, que podedes atopar clicando no seguinte enlace: The diet that helps fight climate change. A continuación, despois de resolver calquera dúbida que puidese xurdir durante o visionamento, trataremos de contestar as seguintes cuestións:

• Cal é o tema principal da reportaxe?
• Por que se di que a nosa alimentación ten un impacto sobre o medioambiente?
• De que forma inflúe o que comemos no cambio climático?
• Que hábitos alimentarios podemos mellorar e como?

Por último, reflexionaremos sobre a nosa propia alimentación. Para iso teredes a seguinte pirámide alimentaria, na que podedes ver os compoñentes da tan a miúdo loada dieta mediterránea:

Empregando esta pirámide como referencia, pensade nas seguintes cuestións:

• Que semellanzas e diferenzas hai entre a túa alimentación e as recomendacións que aparecen na imaxe?
• Estás de acordo con todos estes consellos?

E iso é todo por hoxe, espero que aprendésedes algo novo e que marchedes con ganas de aprender aínda máis!

Deica a próxima!